ލިއުނީ ޔޫސުފް

އެމެރިކާގެ ކެލިފޯނިޔާ އަށް އުފަން ނާދިޔާ ސުލައިމާން އަށް އެއްފަހާރަ 8 ކުދިން ލިބުމުގެ ނަސީބު 2009 ގެ ޖެނުއަރީ ގައި ލިބިފައިވިއެވެ. އެހެންކަމުން މީނާގެ ނަން މީޑިޔާގައި މަޝްހޫރުވެގެން ދިޔައީ “އޮކްޓޮމަމް” ގެ ނަމުންނެވެ.  1975 ވަނަ އަހަރުގެ ޖުލައިމަހު 11 ގައި އުފަންވެފައިވާ ނާދިޔާ އަކީ އެ އާއިލާގެ ހަމައެކަނި ހުރި ދަރިފުޅެވެ.  1996 ގައި ނާދިޔާ މާކޯ ގުޓިރޭޒް އާއި ކައިވެނި ކުރިކަމުގައި ވިނަމަވެސް 2000 ވަނަ އަހަރު ދެމީހުން ވަކިވެފައިވާކަމަށް ގުޓިރޭޒް ހާމަކުރެއެވެ. އަދި 2006 ވަނަ އަހަރުގެ ނޮވެމްބަރ މަހު ނާދިޔާ ވަރިކުރިކަމަށް ކޯޓުގައި ގުޓިރޭޒް ފައިލްކޮށްފައިވެއެވެ. ގުޓިރޭޒް ނާދިޔާ ވަރިކުރި ސަބަބެއް ކަމުގައިވަނީ ނާދިޔާގެ ފުށުން ދަރިއަކު ލިބުމުގެ އުއްމީދެއް ކުރެވިފައި ނުވާތީކަމަށް ގުޓިރޭޒު ބުނެއެވެ.

1997 ވަނަ އަހަރުގައި ދަރިއަކު ހޯދުމަށްޓަކައި “އައިވީއެފް” އިން ވައިޓްރޯ ފާރޓަލިޒޭޝަން ” ޓްރީޓްމަންޓް ނާދިޔާ ހޯދާފައިވެއެވެ. މި ޓްރީޓްމަންޓަކީ ދަރިން ނުލިބޭ މައިންނަށް ދެވޭ ޓްރީޓްމަންޓެކެވެ.