ފޭސްބުކުގައިވާ ވާހަކަތަކަކީ އަހަރެމެން އެކަކު އަނެކަކަށް ދައްކާލާ މަޖާ ވާހަކަތަކަކަށް ވުރެ މާ ފުނަށް އޭގެ އަސަރު ތަކާއި ސިއްރުތައް ފޮރުވިފައިވާ ” ގުޅާލެވިފައިވާ ” އިޖްތިމާޢީ ވިއުގައެކެވެ. އަހަރެމެން ފޭސް ބުކުގައި ތިމާގެ ހުރިހާ ތެދުމަޢުލޫމާތަކާއި ތިމާގެ ގާތް ރައްޓެހިން ސާމިލްކުރަމުން ދާއިރު ތިމާގެ މިޒާޖު ފަސޭހައިން ފޭސްބުކުން ދެނެގަނެވޭ ގޮތަށް ވަނީ ތައްޔާރުކޮށްފައެވެ. އެހެނީ ތިމާ ގަޔާވާ ގުރޫޕްތަކާއި ފޭސްބުކުގައި ތިމާ ގުޅިފައިވާތަން ފެންނާނެއެވެ. އިސްލާމްދީނަށް ތާޢީދު ކޮށް އަޑު އުފުލާ ގުރޫޕުތަކާއި އެކިއެކި ކުޅިވަރުތަކަށް ތަރުހީބުދޭ ގުރޫޕުތައް ހެދިފައިވާ އިރު ތިމާ ގަޔާވާ ގުރޫޕަކާއި ކޮންމެމީހަކު ގުޅެމުންދާއިރު މިކަން ދިރާސާ ކުރުމަށް ޓަކައި ޖާސޫސީ އިދާރާތަކުން ކެނޑިނޭޅި މަސައްކަތް ކުރަމުން ދެއެވެ. މިފަހަކަށް އައިސް ފޭސްބުކަކީ މިގޮތަށް މީހުން ހައްޔަރުކޮށް އެމީހުންނަށް އަދަބު ދިނުމުގައި ހެއްކެއް ކަމުގައިވެސް ބެލެވެންވަނީ ފަށާފައެވެ.